Plattdütsch Kring in dit Johr

Dei Plattdütsch Kring tau Swerin hett uns sien Programm för dit Johr schickt.

Hei ladt all intressierte Lüd an jeden drütten Dunnersdag in’n Mand taun „Groten Kring“ in’t Schleswig-Holstein-Hus in’e Puschkinstrat in, un twors bet April Klock vier (16 Uhr) un von Juni bet Oktober Klock fief (17 Uhr). Sommerpaus is in’n Juni, Juli un August.

In’n Hornung (28.2.) sünd dei Parchenschen mit Willem Stiebe tau Gast, in’n Lentmand (27.3.) dei Eutiner Plattdütsch Gill mit Holsteiner Platt un in’n Ostermand (24.4.) dei Boizenburger Plattdütsch-Kring mit wat ut Uschi Kurz ehr grotes Bökerschapp (die kroensche Schriewersfru ut Wittenburg is grad fiefunachtenig Johr olt warrn!). För den 8. Mai is ‘ne Busfohrt plant und in’n Braakmand (26.6.) gifft dat wat taun Nahdinken un Smustergrienen ut Redefin.

In’n Harwstmand (25.9.) kamen dei Doemser – as all Johr – un in’n Saatmand (30.10.) will Dr. Ralph Wendt, fröher väle Johrn Direkter von’t Mueßer Museum, oewer Richard Wossidlo snacken. In’n Näwelmand (27.11.) hürt de Nahmiddag den’n Schriewersmann Korl Puls (1898 –1962).

Näben den „Groten Kring“ in’t Schleswig-Holstein-Hus gifft dat noch den „Kloenkring“ in’t Café Kisch up’n Groten Dreesch an’n jeden tweiten Dunnersdag Klock drei.

(Jöching)

Bäten Tühnkram

Bi’n Dokter is in’e Spräkstunn de ganze Stuw vull Kranken. Sien Snieder is ok dor. Dor kickt de Dokter rin un fröggt: „Wer von Ihnen wartet denn am längsten?“ „Ick!“, röppt de Snieder, „de vörrig Antog is noch nich betahlt!“

*
Preis nicht verfügbar Mehr Info: Yadore* Preis inkl. MwSt., zzgl. Versandkosten
Schwerin Sei Mir Gegruesst (850 Schwerin Jubilaeum)
Preis: € 1,29 Mehr Info: Amazon* Preis inkl. MwSt., zzgl. Versandkosten
111 Orte in und um Schwerin, die man gesehen haben muss: Reiseführer
Preis: € 16,95 Mehr Info: medimops.de* Preis inkl. MwSt., zzgl. Versandkosten
Zuletzt aktualisiert am 20. November 2022 um 23:51 . Wir weisen darauf hin, dass sich hier angezeigte Preise inzwischen geändert haben können. Alle Angaben ohne Gewähr.

Scroll to Top